GraViz: Das osmanische Großwesirat (1560-1760)

.Höchstgebreister unnder den gossen cristlichen herrn, und erwellter der fürnemisten und
.großmüetigen des cristlichen gesaz, correctorn aller ding in der ganzen nazarenischen
.nation, beckhleidt mit dem glanz der herrlickhait und ehren, herr der zeichen des ruem-
.bs unnd der hochait, könig der region Wien, kayser Rudollff der ander^×, deß end sey
5 mit glückhseligkheit und allem guetem.

1 Nachdem e. ksl. Mt. etc. unsere
.e. Mt. etc. kayserlichen personen wierdige und gezimende grüeß presen-
.tiert und angebotten sein, sey e. Mt. etc. freundtlichen zu wissen, nachdem
.dero ansehenlicher unnd weiser ambassiator David Ungnad^×, wellicher biß
.her seinem potschafft ambt an der mächtigen und hochgeherten Porten unsers
10 glückhseligen löblichen kaysers^×, den gott erhallte unnd seinen sigen khrafft
.unnd sterkh gebe, geresidiert, gedachtem seinem ime auferlegtem ambt unnd
.bevelh, mit aller vollckhomner ehr und reverenz gnueg gethan hat, ist
.ime erlich genedige guete erlaubnüs abzuziehen gegeben worden, unnd
.er also widerumb zu e. Mt. etc. von hinnen verrückht.

2 Alls auch der innhallt
15 e. ksl. Mt. etc. jüngst alher gelangten schreibens vor dem füertrefflichen
.tron seiner ksl. hocheit ist füergebracht und erzellt worden, weill der glückh-
.selige kaiser der vier seidten der wellt gleichsfalls wollgeneigt, das der frid
.und ainikhait bestenndig bleibe, hat er den geehrten rath und ansehenlihen
.beratschlager deren, die gubernierung der wellt betreffenden, hanndlungen,
20 dem vezier Mustaffa Bassa^×, stathallter zu Ofen^×, dem der höchste Gott alle-
.zeitt sein ehr und wierde mehre, und den anndern graniz sansiackh beegen
.seine ksl. bevelch zuegeschikht, sonnderlich aber dem sansiackhbeg aus
. Bossen^× bevolhen, das ehr hinfüro nimmer e. Mt. etc. gebiedt und herschafft
.ubertrang, noch ichtes wider den frid unnd ainigkhait thuee, so sein auch deß [1.2r] -
.wegen ainem iedlichen beegen absonndererliche ernstliche bebelch zue-
.khommen, und bey inen solliches mit allerley bedrohungen starkh eingestellt
.unnd verbotten worden, darumben dan e. ksl. Mt. etc. widerumben
.ain kaiserliches schreiben gefertigt und zuegeschikht wierdet. Wan nun euer
5 ksl. Mt. etc. diß unnser freundtlich schreiben zu handen gelangt, versiht man
.sich e. Mt. etc. werde sich wierdigen, das ienig zuhallten, was iro in
.dem ksl. innhallt seiner hochait e. Mt. etc. yez überschikhten schreibens
.angefüegt unnd zuverstehen geben wierdt, das nämblich von e. Mt. etc.
.seidten die conditionen des frids und gueten rueh in albeg erhaltten,
10 gehert geehrt, auch iren gränitz haubtleuthen unnd offizieren auferlegt unnd
.bevolhen werde, das sy hünfüro gar nit mer ire zschetten in das ksl.
.gebiedt schickhen, noh den ubelthättern oder anndern schalckhafftigen bösen
.zeihtigen leuthen ainihe üblthat oder schaden zu thuen zuelassen, sonnder
.das zu beden thaillen der hanndl deß frids und ainigkhait steiff unnd
15 khrefftig verharre. Es dignire sih auch e. Mt. etc., dem zwischen unns
.wesenden friden und sicherhait nah, solliche guete sorgfelltigkeit zuge-
.brauchen, damit die unnderthannen unnd vassallten in frid unnd rueh
.bestehen unnd bleiben mögen.

3 E. Mt. etc. wellen auch wissen,
.das obgemellte e. Mt. etc. botschafft^× von seiner hochait 4 sclaven
20 seiner person zu [? hdefd] gratia zuerledigen begertt, welliches sein
.hoheit ime nit abgeschlagen, sonnder dieselben 4 sclaven ime alsobald
.geschenckht und gegeben hot. Mit andeutten, das gedachte potschafft^× bey
.e. Mt. etc. melden soll, sein hochait habe hievor e. Mt. etc. des
. Malkotsch Beegs halben geschriben, darauf sey biß her noh khain ant-
25 wort herein ervollgt, sein hochait aber sey deren nohmalls von
.e. Mt. etc. gebartendt etc.