[1r]
click for en translation below
.
.
.İftiḫārü’l ümerāi’l-ʿiẓāmi’l-ʿīseviyye muḫtārü’l-küberāi’l-fiḫāmi fīʾl-milleti’l-mesīḥiyye muṣliḥü meṣāliḥi cemāhīri’ṭ-ṭāifeti’n-naṣrāniyye ṣāḥibü eẕyāli’l-ḥaşmeti ve’l-veḳār ṣāḥibü delāyili’l-mecdi ve’l-iftiḫār vilāyet-i Beç× Ḳrālı
. İkinci Rudolfo Ḳrāl× ḫutimet ʿavāḳibühū-bi’l-ḫayr dostluġa lāyıḳ ve sezāvār olan vüfūr duʿālar ve s̱enālar taḳdīm olınduḳdan-ṣoñra inhā-yı muḥibbāne oldur ki sābıḳā livāʾ-yı Bosnada× ḥākim ve vālī
5 olan merḥūm Yaʿḳūb Paşa× zamānında fetḥ olınanBāḳ nām ḫālī ḳullenüñ ḳapusından ġayrı sāʾir yerleri taʿmīre muḥtāc olmamaġla Zādre× ve Seng× żābıṭları ittifāḳ idüb
.şerāʿiṭ-i ʿahd ü emānı gözetmeyüb bir gecenüñ içinde ḳapusın yapub otuz nefer tüfenkçi ḳoyub baʿdehū sedd-i İslāma ḳarīb leb-i deryāda bir ḫarāb ḥiṣār daḫı olub taʿmīri içün deryādan
.gemilerle gelürlerken Klis× sancaġı begi Muṣṭafā Beg× ḳarşu varmaġla ṭaşra çıḳmaġa cürʾet idemeyüb gitdüklerinden ṣoñra yere berāber hedm itdürüb ve ḥālen mezbūr ḳulenüñ eṭrāfına
.ḥiṣār çıkmak içün levāzımın tedārik üzere olduḳları muḳarrerdür diyü mīr-i müşārun ileyh× mufaṣṣalan ʿarż ü iʿlām eyledükde devletlü ve saʿādetlü pādişāhımuz× eʿazzullāhu teʿālā
.enṣārahu ḥażretlerinüñ pāye-i serīr-i ʿālem-maṣīrlerine ʿarż olınduḳda ḳrāl× cānibinden dāʾimā şikāyetden ḫālī olınmaz niye ṣulḥa muḫālif evżāʿ ol ṭarafdan ṣādır olur diyü buyurılub
10 ḫuṣūṣen Sengde× olan ḳapudanlarunuñ refʿ olınması muḳaddemā işāret olınduḳda refʿ olınmışdur diyü ḫaber gönderilmişken ḥālen ol cānibden ḫilāf-ı ʿahd memālīk-i maḥrūseye żarar ḳaṣdıyla gelen
.Usḳoḳlardan müşārun ileyh Klis× Begi× ele getürdügi iki nefer Usḳoḳ dīvān-ı hümāyūna getürilüb suʾāl olındıḳda bi’l-fiʿl yine ol ḳapudandur ḥattā neferātı biz anuñ maʿrifeti ile
.ḳuleye ḳoduḳ diyü ḫaber virmegin mufaṣṣalan nāme-i hümāyūnların irsāl buyurılmışlardur imdi fī’l-vāḳi seksen yıldan berü fetḥ olınub memālīk-i maḥrūse ṭopraġında olan ḫarāb ḳule ṣulḥa muḫālif
.ol cānibden taʿmīr olınmaḳ münāsib degil idi gerekdür ki mektūb-ı muḫālaṣat-üslūb vuṣūl bulduḳda ḳadīmī āsitāne-i saʿādet-āşiyānelerine olan vüfūr iḫlāṣ ve farṭ-ı iḫtiṣāṣuñuz muḳteżāsınca
.serḥadda olan żābıṭlerüñüz muḥkem tenbīh ve teʾkīd olına ki dāʾimā ṣulḥ u ṣalāḥ emrinde daḳīḳa fevt itmeyüb nāme-i hümāyūnları mūcebince ḳulle-i mezbūreden neferātı ihrāc idüb
15 ḫālī üzere ḳoyub aṣlā ol cānibden żābṭ ve taṣarruf itmeyeler ve bi’l-cümle rıżā-yı pādişāhīye muḫālif ve ṣulḥ u ṣalāḥa muġāyir vażʿ ṣudūr itmeyüb ol ḳapudan daḫı
.şerāʿiṭ-i ʿahd ü emān mūcebince refʿ olınub yerine mā-beynde olan ʿahd ü mīs̱āḳa riʿāyet ider bir mūʿtemedün-ʿaleyh kimesne naṣb olınub emn ü emān-ı memleket ve refāhiyyet-i raʿiyyet
.bābında envāʿ-ı saʿy-ı cemīlüñüz vücūde getürile taḥrīren fī evāsiṭ-i şehri Cemāẕiye’l-āḫir sene ḫams ve ѕemānīn ve tisʿa-miʾe
.Be-medīne-i Ḳosṭanṭinīye el-maḥmiyye×
.
.
.İftiḫārü’l ümerāi’l-ʿiẓāmi’l-ʿīseviyye muḫtārü’l-küberāi’l-fiḫāmi fīʾl-milleti’l-mesīḥiyye muṣliḥü meṣāliḥi cemāhīri’ṭ-ṭāifeti’n-naṣrāniyye ṣāḥibü eẕyāli’l-ḥaşmeti ve’l-veḳār ṣāḥibü delāyili’l-mecdi ve’l-iftiḫār vilāyet-i Beç× Ḳrālı
. İkinci Rudolfo Ḳrāl× ḫutimet ʿavāḳibühū-bi’l-ḫayr dostluġa lāyıḳ ve sezāvār olan vüfūr duʿālar ve s̱enālar taḳdīm olınduḳdan-ṣoñra inhā-yı muḥibbāne oldur ki sābıḳā livāʾ-yı Bosnada× ḥākim ve vālī
5 olan merḥūm Yaʿḳūb Paşa× zamānında fetḥ olınanBāḳ nām ḫālī ḳullenüñ ḳapusından ġayrı sāʾir yerleri taʿmīre muḥtāc olmamaġla Zādre× ve Seng× żābıṭları ittifāḳ idüb
.şerāʿiṭ-i ʿahd ü emānı gözetmeyüb bir gecenüñ içinde ḳapusın yapub otuz nefer tüfenkçi ḳoyub baʿdehū sedd-i İslāma ḳarīb leb-i deryāda bir ḫarāb ḥiṣār daḫı olub taʿmīri içün deryādan
.gemilerle gelürlerken Klis× sancaġı begi Muṣṭafā Beg× ḳarşu varmaġla ṭaşra çıḳmaġa cürʾet idemeyüb gitdüklerinden ṣoñra yere berāber hedm itdürüb ve ḥālen mezbūr ḳulenüñ eṭrāfına
.ḥiṣār çıkmak içün levāzımın tedārik üzere olduḳları muḳarrerdür diyü mīr-i müşārun ileyh× mufaṣṣalan ʿarż ü iʿlām eyledükde devletlü ve saʿādetlü pādişāhımuz× eʿazzullāhu teʿālā
.enṣārahu ḥażretlerinüñ pāye-i serīr-i ʿālem-maṣīrlerine ʿarż olınduḳda ḳrāl× cānibinden dāʾimā şikāyetden ḫālī olınmaz niye ṣulḥa muḫālif evżāʿ ol ṭarafdan ṣādır olur diyü buyurılub
10 ḫuṣūṣen Sengde× olan ḳapudanlarunuñ refʿ olınması muḳaddemā işāret olınduḳda refʿ olınmışdur diyü ḫaber gönderilmişken ḥālen ol cānibden ḫilāf-ı ʿahd memālīk-i maḥrūseye żarar ḳaṣdıyla gelen
.Usḳoḳlardan müşārun ileyh Klis× Begi× ele getürdügi iki nefer Usḳoḳ dīvān-ı hümāyūna getürilüb suʾāl olındıḳda bi’l-fiʿl yine ol ḳapudandur ḥattā neferātı biz anuñ maʿrifeti ile
.ḳuleye ḳoduḳ diyü ḫaber virmegin mufaṣṣalan nāme-i hümāyūnların irsāl buyurılmışlardur imdi fī’l-vāḳi seksen yıldan berü fetḥ olınub memālīk-i maḥrūse ṭopraġında olan ḫarāb ḳule ṣulḥa muḫālif
.ol cānibden taʿmīr olınmaḳ münāsib degil idi gerekdür ki mektūb-ı muḫālaṣat-üslūb vuṣūl bulduḳda ḳadīmī āsitāne-i saʿādet-āşiyānelerine olan vüfūr iḫlāṣ ve farṭ-ı iḫtiṣāṣuñuz muḳteżāsınca
.serḥadda olan żābıṭlerüñüz muḥkem tenbīh ve teʾkīd olına ki dāʾimā ṣulḥ u ṣalāḥ emrinde daḳīḳa fevt itmeyüb nāme-i hümāyūnları mūcebince ḳulle-i mezbūreden neferātı ihrāc idüb
15 ḫālī üzere ḳoyub aṣlā ol cānibden żābṭ ve taṣarruf itmeyeler ve bi’l-cümle rıżā-yı pādişāhīye muḫālif ve ṣulḥ u ṣalāḥa muġāyir vażʿ ṣudūr itmeyüb ol ḳapudan daḫı
.şerāʿiṭ-i ʿahd ü emān mūcebince refʿ olınub yerine mā-beynde olan ʿahd ü mīs̱āḳa riʿāyet ider bir mūʿtemedün-ʿaleyh kimesne naṣb olınub emn ü emān-ı memleket ve refāhiyyet-i raʿiyyet
.bābında envāʿ-ı saʿy-ı cemīlüñüz vücūde getürile taḥrīren fī evāsiṭ-i şehri Cemāẕiye’l-āḫir sene ḫams ve ѕemānīn ve tisʿa-miʾe
.Be-medīne-i Ḳosṭanṭinīye el-maḥmiyye×