click for en translation below
[1r]
.
.İftiḫārü’l ümerāi’l-ʿiẓāmi’l-ʿīseviyye muḫtārü’l-küberāi’l-fiḫāmi fīʾl-milleti’l-mesīḥiyye muṣliḥü meṣāliḥi cemāhīri’ṭ-ṭāifeti’n-naṣrāniyye ṣāḥibü eẕyāli’l-ḥaşmeti ve’l-veḳār ṣāḥibü delāyili’l-mecdi ve’l-iftiḫār Beç× ve Alāmān× ve Romānīler İmparādorı
. Maksimilyānūş Ḳrāl× ḫutimet ʿavāḳibühū bi’l-ḫayr mā-beynde olan muvālāt u muṣāfāta ve imparadorlıġuñuza lāyıḳ u sezāvār olan ḫayırlu duʿālar ve ѕenāʾlar taḳdīm ḳılınduḳdan ṣoñra dostāne inhāʾ olınur ki
.ʿatebe-i ʿulyāda olan ilçiñüz× āsitāne-i devlet-āşiyāna ʿarż-ı ḥāl virüb merḥūm u maġfūrunleh Sulṭān Selīm Ḫān× ṭābe s̱erāhū zamānında olduġı üzere sekiz yıla varınca mā-beynde ṣulḥ u ṣalāḥ üzere olması
5 murāduñuz olduġın işʿār idüb bir ḳaç defʿa pāye-i serīr-i aʿlāyaʿarż olınub muḳaddemā ol cānibden ʿahde muġāyir ṣudūr iden evżāʿdan İbrahīm Aġa ve Ḳurd Āġa ve Süleymān Aġa ve
. Ḥasan Emīn ve Budin× ḳaṣṣābları ve Balāj Yānoş× ve Erdel× ḫuṣūṣların ve Pekeş Ġasbār×ve Boġdan× voyvoda× gendü ḳullarımuz iken ʿahde muġāyir ḳabūl idüb virmedüklerin teẕekkür buyurub anlaruñ ṣulḥ u ṣalāḥdan
.ṣafāsı olsa bu vechileʿahde muḫālefet itmezler idi ilçilerüñ ḳomşulıġıdur biz daḫı taḥt-ı fer-ruḫ baḫtde cülūs-ı hümāyūnumuzla teşrīf buyuralı ġazā vü cihād dāʾimā ḫāṭırımuzdan dūr olmaz Rūm-ili×
.ṭaraflarına sefer idelüm diyü mūrād-ı şerīfleri olmış idi zirā saʿādetlü pādişāhımuzuñ× şecāʿat ü şehāmeti ẕekāvet ü ferāyeti ve bi’ẕẕāt ālāt-ı ḥarb u ḳattāl istiʿmālleri cedd-i büzürgvārlarına×
.niçe mertebe ġālibdür ḫuṣūṣān ki ʿālem-i cüvānīde devlet el virüb ġazā vü cihāda meylleri ḥadden birūndur ol eclden ruḫṣatı virilmişdi lākin Ġasbār-ı laʿīn× ol vilāyete× memleket vāṣılken
10 görmege geldi voyvodalıḳ sevdasında degildür diyü mektūb-ı şerīfiñüz vārid olmuş iken Nemçe× ʿaskerі ḳoşulub veBalāj Yānoş× daḫı oġlı× ile ḫaylī ʿasker ḳoşub Erdel× üzerine gönderdigin
.ʿināyet-i ḥaḳḳ ile laʿīn-i mezbūruñ× ve bile-dirān-ı ʿasākir-i şeyātīn-zehrüñ ḥaḳḳlarından gelinüb ve ʿahde muḫālif bu vechle fesādından māʿādā ehl-i islāma esīr virüb muṭīʿ olmaḳ ḥīlesiyle Balāj Yānoş× ḥiṣārı×
.altına ehl-i islāmı daʿvet idüb ḳapulara düşürmege murādı olduġı ṭuyulduḳda ehl-i islām varmayub bir niçe defʿa naḳż-ıʿahd itdügi içün Muṣṭafā Paşa× ḥażretleri varub melʿūnuñ×
.ḥiṣārların alub gendüye gelen gūşmāli virmekle ḳalb-i şerīflerine bir miḳdār tesellī-i ḫāṭır müyesser olub ve eṭrāf ḳış olmaġla bu muḥibbiñüz× daḫı fırṣat bulub ṭarafeynüñ reʿāyā vü berāyāsı dāʾimā pāy-māl olub
.saʿādetlü pādişāh× ḥażretlerine vebāl ḥāṣıl olmasun diyü ḥüsn-i taʿbіr-i dil-peẕīr ile pāye-i serīr-i saʿādet-maṣīre ʿarż olınduḳda egerçi ḳalb-i şerīfleri ġazā vü cihāda māʾildür ammā ṣalāḥ u taḳvāları cümleye ġālib
15 olduġı eclden ṭarafeynüñ reʿāyāsına merḥamet ve ṣulḥ u ṣalāḥa ruḫṣat-ı hümāyūnları ṣādır olub merḥūm ve maġfūrunleh babaları firdevs-āşiyān Sulṭān Selīm Ḫān× muḳaddemā ve ṣoñra tercemān Maḥmūd× ile irsāl
.buyurduḳları ʿahd-nāmeler üzere cevāb buyurub ʿahd-nāme-i hümāyūn yazılub ilçiñüz× bu muḥibbiñüz× dāʾimā ḫāṭır-ı şerīfıñüz içün ve ṭarafeynüñ reʿāyāsınuñ āsūde-ḥāl
.olmasıy-çün dīn-i islāma lāzım olduġı üzere saʿy u iḳdāmda ḳuṣūr ḳomazuz lākin sizüñ ṭarafıñuzdan ṣulḥ u ṣalāḥ u dostluḳ çendān riʿāyet olınmayub dāʾimā bizi tekẕīb idersiz
.ḫuṣūṣān bu ṭarafdan size nā-maʿḳūl nesne teklīf olınmamışdur ki ḥuṣūli müteʿaẕẕir ola evvelā ʿahd ü emāna muḫālif alınan ṭutsaḳlaruñ ḫalāṣı virilen ʿahd-nāme-i hümāyūn mūcebince ʿahde göre lāzım olub
.ve Pekeş Ġasbār× ve Boġdan× voyvoda× daḫı ʿahde muġāyir ḳabūl olmamaḳ ve südde-i saʿādete irsāl olmaḳ ʿahd-nāme mūcebince lāzim idi eger Pekeş× ve eger Boġdan× varduḳları gibi efendileri āsitānesine
20 gönderilmiş olsa şimdiye dek ber-murād olurlardı zirā niçe voyvodalara ḳrāllar deñile voyvodalıġı iḥsān olına gelmişdür Pekeş-i laʿīn× ol diyāra memleket ve emlākına görmege geldi diyü virilen
.cevāb ʿacebdür ki meẕkūr Ḳara Eflāḳdur× ol vilāyet ānuñ nice memleketidür ve Boġdan-ı laʿīn× daḫı Erdel× üzerine gelen eşḳiyā ile bile olduġı istimāʿ olınur ümīddür ki ol daḫı
.cezāsın bulmuş ola bize ve size lāyıḳ olan budur ki ʿahd ü emāna maʿhūd ve meşrūṭ olanlar riʿāyet olınub ṭarafeynüñ ehl-i fesādına ruḫṣat virilmeyüb ḫilāf-ı
.ʿahd ü emān iş idenlerüñ cezā vü sezāları virile ki sāʾir eşḳiyāya mūceb-i ʿibret olub herkes ferāġ-ı bāl ve ḥużūr-ı ḥāl ile kār u kesblerine iştiġāl üzere olalar
.ve Keyvān voyvoda Zirīn-oġlına× esīr olub iki biñ yüz ġuruş behāʾya kesdüklerinden ṣoñra ḳavline ṭurmayub dört biñ behāʾya kesüb ve meẕkūr Keyvāna südde-i saʿādetten gendü ḫalāṣı içün virülen
25 esīri dört biñ ġuruşa ḳabūl itmiş iken esīr gendüye vārduḳda biñ altı yüz ġuruşa ḳabūl iderin diyü taʿallül eyleyüb meẕkūr Keyvān ol esīrden mā-ʿadā dört at ve üç
.ḳır [? tāzī] ve bir otaḳ ve dört ṭāḳ-ı serāser ve baʿz-ı esbāb daḫı Zirīn-oġlına×göndermişken gerü ḳarındaş ıṭlāḳ itmeyüb biñ beş yüz ġuruşla iki berāber at daḫı ṭaleb itdügi
.iʿlām olundı imdi cemіʿ-i edyānda ʿahde vefā itmemek cāʾiz olmaduġı maʿlūmuñuzdur aḥḳar-ı ümem cengāne ṭāʾifesi iken atlarıyla ḳavllerinden dönüşmege tenezzül itmez babası× daḫı
.ʿahde muḫālif biñ florin alub eyledügi içün başı kesilüb ḳalʿası× alınmışdur münāsib olan oldur ki muvālāt-ı ḳadīme muḳteżāsınca mezbūr Zirīn-oġlına× tenbīh
.olına ki merḳūm Keyvān voyvodaya ʿahde muḫālif taʿaddī eylemeyüb taʿyīn itdügi behāʾsını virmişken esīri alıḳoyub daḫı ziyāde ṭaleb itmek münāsib nesne degildür mā-beynde olan ṣulḥa riʿāyet itmeyecek
30 olursa ol daḫı babası× gibi cezāsın bulmaḳ muḳadderdür ḫuṣūṣān ki vire muḥkem olmayıcaḳ min-bʿad iḫtilāfdan ḫālī olmaz meʾmūldür ki mā-beynde olan şerāʾiṭi ṣulḥ u ṣalāḥa riʿāyet
.olınmaġa saʿy olınub meẕkūr Keyvān voyvodanuñ daḫı aḥvālı ber-ṭaraf olmaḳ bābında envāʿ-ı mesāʿī-i cemīleñüz vücūda getürile taḥrīren fī evāsıṭ-ı Ramażān sene 983
.Be-maḳām-ı Ḳosṭanṭiniyye×
.
.İftiḫārü’l ümerāi’l-ʿiẓāmi’l-ʿīseviyye muḫtārü’l-küberāi’l-fiḫāmi fīʾl-milleti’l-mesīḥiyye muṣliḥü meṣāliḥi cemāhīri’ṭ-ṭāifeti’n-naṣrāniyye ṣāḥibü eẕyāli’l-ḥaşmeti ve’l-veḳār ṣāḥibü delāyili’l-mecdi ve’l-iftiḫār Beç× ve Alāmān× ve Romānīler İmparādorı
. Maksimilyānūş Ḳrāl× ḫutimet ʿavāḳibühū bi’l-ḫayr mā-beynde olan muvālāt u muṣāfāta ve imparadorlıġuñuza lāyıḳ u sezāvār olan ḫayırlu duʿālar ve ѕenāʾlar taḳdīm ḳılınduḳdan ṣoñra dostāne inhāʾ olınur ki
.ʿatebe-i ʿulyāda olan ilçiñüz× āsitāne-i devlet-āşiyāna ʿarż-ı ḥāl virüb merḥūm u maġfūrunleh Sulṭān Selīm Ḫān× ṭābe s̱erāhū zamānında olduġı üzere sekiz yıla varınca mā-beynde ṣulḥ u ṣalāḥ üzere olması
5 murāduñuz olduġın işʿār idüb bir ḳaç defʿa pāye-i serīr-i aʿlāyaʿarż olınub muḳaddemā ol cānibden ʿahde muġāyir ṣudūr iden evżāʿdan İbrahīm Aġa ve Ḳurd Āġa ve Süleymān Aġa ve
. Ḥasan Emīn ve Budin× ḳaṣṣābları ve Balāj Yānoş× ve Erdel× ḫuṣūṣların ve Pekeş Ġasbār×ve Boġdan× voyvoda× gendü ḳullarımuz iken ʿahde muġāyir ḳabūl idüb virmedüklerin teẕekkür buyurub anlaruñ ṣulḥ u ṣalāḥdan
.ṣafāsı olsa bu vechileʿahde muḫālefet itmezler idi ilçilerüñ ḳomşulıġıdur biz daḫı taḥt-ı fer-ruḫ baḫtde cülūs-ı hümāyūnumuzla teşrīf buyuralı ġazā vü cihād dāʾimā ḫāṭırımuzdan dūr olmaz Rūm-ili×
.ṭaraflarına sefer idelüm diyü mūrād-ı şerīfleri olmış idi zirā saʿādetlü pādişāhımuzuñ× şecāʿat ü şehāmeti ẕekāvet ü ferāyeti ve bi’ẕẕāt ālāt-ı ḥarb u ḳattāl istiʿmālleri cedd-i büzürgvārlarına×
.niçe mertebe ġālibdür ḫuṣūṣān ki ʿālem-i cüvānīde devlet el virüb ġazā vü cihāda meylleri ḥadden birūndur ol eclden ruḫṣatı virilmişdi lākin Ġasbār-ı laʿīn× ol vilāyete× memleket vāṣılken
10 görmege geldi voyvodalıḳ sevdasında degildür diyü mektūb-ı şerīfiñüz vārid olmuş iken Nemçe× ʿaskerі ḳoşulub veBalāj Yānoş× daḫı oġlı× ile ḫaylī ʿasker ḳoşub Erdel× üzerine gönderdigin
.ʿināyet-i ḥaḳḳ ile laʿīn-i mezbūruñ× ve bile-dirān-ı ʿasākir-i şeyātīn-zehrüñ ḥaḳḳlarından gelinüb ve ʿahde muḫālif bu vechle fesādından māʿādā ehl-i islāma esīr virüb muṭīʿ olmaḳ ḥīlesiyle Balāj Yānoş× ḥiṣārı×
.altına ehl-i islāmı daʿvet idüb ḳapulara düşürmege murādı olduġı ṭuyulduḳda ehl-i islām varmayub bir niçe defʿa naḳż-ıʿahd itdügi içün Muṣṭafā Paşa× ḥażretleri varub melʿūnuñ×
.ḥiṣārların alub gendüye gelen gūşmāli virmekle ḳalb-i şerīflerine bir miḳdār tesellī-i ḫāṭır müyesser olub ve eṭrāf ḳış olmaġla bu muḥibbiñüz× daḫı fırṣat bulub ṭarafeynüñ reʿāyā vü berāyāsı dāʾimā pāy-māl olub
.saʿādetlü pādişāh× ḥażretlerine vebāl ḥāṣıl olmasun diyü ḥüsn-i taʿbіr-i dil-peẕīr ile pāye-i serīr-i saʿādet-maṣīre ʿarż olınduḳda egerçi ḳalb-i şerīfleri ġazā vü cihāda māʾildür ammā ṣalāḥ u taḳvāları cümleye ġālib
15 olduġı eclden ṭarafeynüñ reʿāyāsına merḥamet ve ṣulḥ u ṣalāḥa ruḫṣat-ı hümāyūnları ṣādır olub merḥūm ve maġfūrunleh babaları firdevs-āşiyān Sulṭān Selīm Ḫān× muḳaddemā ve ṣoñra tercemān Maḥmūd× ile irsāl
.buyurduḳları ʿahd-nāmeler üzere cevāb buyurub ʿahd-nāme-i hümāyūn yazılub ilçiñüz× bu muḥibbiñüz× dāʾimā ḫāṭır-ı şerīfıñüz içün ve ṭarafeynüñ reʿāyāsınuñ āsūde-ḥāl
.olmasıy-çün dīn-i islāma lāzım olduġı üzere saʿy u iḳdāmda ḳuṣūr ḳomazuz lākin sizüñ ṭarafıñuzdan ṣulḥ u ṣalāḥ u dostluḳ çendān riʿāyet olınmayub dāʾimā bizi tekẕīb idersiz
.ḫuṣūṣān bu ṭarafdan size nā-maʿḳūl nesne teklīf olınmamışdur ki ḥuṣūli müteʿaẕẕir ola evvelā ʿahd ü emāna muḫālif alınan ṭutsaḳlaruñ ḫalāṣı virilen ʿahd-nāme-i hümāyūn mūcebince ʿahde göre lāzım olub
.ve Pekeş Ġasbār× ve Boġdan× voyvoda× daḫı ʿahde muġāyir ḳabūl olmamaḳ ve südde-i saʿādete irsāl olmaḳ ʿahd-nāme mūcebince lāzim idi eger Pekeş× ve eger Boġdan× varduḳları gibi efendileri āsitānesine
20 gönderilmiş olsa şimdiye dek ber-murād olurlardı zirā niçe voyvodalara ḳrāllar deñile voyvodalıġı iḥsān olına gelmişdür Pekeş-i laʿīn× ol diyāra memleket ve emlākına görmege geldi diyü virilen
.cevāb ʿacebdür ki meẕkūr Ḳara Eflāḳdur× ol vilāyet ānuñ nice memleketidür ve Boġdan-ı laʿīn× daḫı Erdel× üzerine gelen eşḳiyā ile bile olduġı istimāʿ olınur ümīddür ki ol daḫı
.cezāsın bulmuş ola bize ve size lāyıḳ olan budur ki ʿahd ü emāna maʿhūd ve meşrūṭ olanlar riʿāyet olınub ṭarafeynüñ ehl-i fesādına ruḫṣat virilmeyüb ḫilāf-ı
.ʿahd ü emān iş idenlerüñ cezā vü sezāları virile ki sāʾir eşḳiyāya mūceb-i ʿibret olub herkes ferāġ-ı bāl ve ḥużūr-ı ḥāl ile kār u kesblerine iştiġāl üzere olalar
.ve Keyvān voyvoda Zirīn-oġlına× esīr olub iki biñ yüz ġuruş behāʾya kesdüklerinden ṣoñra ḳavline ṭurmayub dört biñ behāʾya kesüb ve meẕkūr Keyvāna südde-i saʿādetten gendü ḫalāṣı içün virülen
25 esīri dört biñ ġuruşa ḳabūl itmiş iken esīr gendüye vārduḳda biñ altı yüz ġuruşa ḳabūl iderin diyü taʿallül eyleyüb meẕkūr Keyvān ol esīrden mā-ʿadā dört at ve üç
.ḳır [? tāzī] ve bir otaḳ ve dört ṭāḳ-ı serāser ve baʿz-ı esbāb daḫı Zirīn-oġlına×göndermişken gerü ḳarındaş ıṭlāḳ itmeyüb biñ beş yüz ġuruşla iki berāber at daḫı ṭaleb itdügi
.iʿlām olundı imdi cemіʿ-i edyānda ʿahde vefā itmemek cāʾiz olmaduġı maʿlūmuñuzdur aḥḳar-ı ümem cengāne ṭāʾifesi iken atlarıyla ḳavllerinden dönüşmege tenezzül itmez babası× daḫı
.ʿahde muḫālif biñ florin alub eyledügi içün başı kesilüb ḳalʿası× alınmışdur münāsib olan oldur ki muvālāt-ı ḳadīme muḳteżāsınca mezbūr Zirīn-oġlına× tenbīh
.olına ki merḳūm Keyvān voyvodaya ʿahde muḫālif taʿaddī eylemeyüb taʿyīn itdügi behāʾsını virmişken esīri alıḳoyub daḫı ziyāde ṭaleb itmek münāsib nesne degildür mā-beynde olan ṣulḥa riʿāyet itmeyecek
30 olursa ol daḫı babası× gibi cezāsın bulmaḳ muḳadderdür ḫuṣūṣān ki vire muḥkem olmayıcaḳ min-bʿad iḫtilāfdan ḫālī olmaz meʾmūldür ki mā-beynde olan şerāʾiṭi ṣulḥ u ṣalāḥa riʿāyet
.olınmaġa saʿy olınub meẕkūr Keyvān voyvodanuñ daḫı aḥvālı ber-ṭaraf olmaḳ bābında envāʿ-ı mesāʿī-i cemīleñüz vücūda getürile taḥrīren fī evāsıṭ-ı Ramażān sene 983
.Be-maḳām-ı Ḳosṭanṭiniyye×