Triplicat
Allerdurchleüchtigist, großmächtigist, unüberwündtlichister röm. kayßer, auch zue Hungarn und Böheimb konig etc.
Allergnädigister kayßer und herr. Seit meinem abraißen von Wien haben sich nach und nach an dem 107 78 21 5^ 32 40 16 56 90 24 65 26 32^ 43 47 73 21^ 21 99- entdöckht sachen die mir nit gfallen unnd zue EKM dienst sich gar übel schickhen. Mir ist laidt, denn er bei mir in besseren concept geweßen. Nun aber erfordert die necessitet unnd diß ohrt, daß ich dissimulieren unnd sonderliche dexteritet brauchen mueß, umb grössere ungelegenheit zu verhüetten.
Fast auch so gehets mir mit den oc 17 21^ 37 14 55 58 26 20^ 42
20 10^ 66 24
, vor deren schon weit eingerissen untugendt der guette Reniger, welcher in EKM
dienst hie bleiben solle, billich
sich bescheühet sorge unnd fürcht in die lenge der 111 99 20 10^ 66 24
411 khein guett thuen, ihme einmahl spott und unglegenheit
verursachen möchten. In der wohrheit ich selber auch thue dessen mich besorgen unnd
gedenckhe auff mittel, wie am füeglichsten zure remediren seye. An dießem ohrt ist bißweillen gegen 14 16 24 51 9- 107 9^ 14 33
Wegen der greiffenclauischen schulden wirde daß darzue deputierte mir mit
gegebene gelt nit erkleckhen,
sonder zue völliger bezallung noch ein paar taussendt taller, wo nit mehrers, von nötten sein, dann der
verstorbene resident (Gott verzeihe ihms) vill
intrighi und unrichtigkheiten hinderlassen, welche alle, damit der Reniger khünfftig desthalb nit angefochten, nottwendig
vor meinen zueruckh reißen müessen remediert und zue richtigkheit gebracht werden.
Mit einer partey, nemblichen dem
zorbaschy oder janitschar haubtman (welcher die
grösste unglegenheit gemacht), bin ich nach langem - 96v -
contrast endtlichen über ein khommen unnd ist dieße post, welche allein 5.160
reichstaller antroffen nun
richtig und bezalt, heb auch drüber ein hogget oder grichtlich auspruch und die quittung vom
zorbaschy
in meinen handen. Mit den kauffleüten, drunder
Griechen und Juden, auch anderen partheyen, die zue pretendieren und vom Greiffenklau seelig verschreybungen haben, stehe ich
noch in disputat, abzuebrechen sovill ich khan, waß führ billich erkhendt wirdt, will ich, soweit daß darzue
deputierte gelt kleckht,
bezallen und wegen deß überrests vertröstung und auff gedult weißen, auch in dem
anderen auffs möglichiste und beste württschafften damit waß guts auß gericht werde.
Eß sein zwar
92 14 85 29 112^ 108^ 94 24 86 22^
86 43^ 21 10 77 16 30^ 13 2^ 42 mich anfechten, Gott gebe, daß mit frucht ich iii 27^ 14 19 22 14 9- 26^ 33 16 86 24 99 24 11^ 99 seb 4ij.
Betreffendt den Reniger, der hie
verbleiben solle: Alle, die umb mich sein und dessen thuen observiert, werden nit
anderst sagen alß daß dieße persohn gottsförchtig,
getreu und verständig, deren procedura und sizame manier auch bey den Türckhen
gefallig und angenemb. Eß ist woll nit weniger die experientz und erfahrenheit, so
in EKM hie versierendt hochwichtig geschäfften ein
resident bedarff, khan volkommen so geschwindt dieße
persohn nit haben, wusste auch nit wo eine zue finden, die anfangs
gleich in allem erfahren were. Weillen obgemeldter Reniger ein redtlich getreuwer mensch von guetter vernunfft, EKM vassall und ein Teütscher, welcher underschidliche
sprachen redt, woll gstudiert und hindan gesezt alle gfahr, in EKM dienst sich hie zue avanzieren lust hett, zweiffle ich nit, er in
kurzen dieße hoch wichtige geschäfft ergreiffen, nach und nach sich so
perfectionieren werde, daß künfftig EKM
diessorts ein guetten minister an ihme haben
khönnen. Waß zue ein fruchtbarn anfang mit genugsamben instructionen und ander
weißen ich hie dem Reniger an die handt geben khan,
beschicht gwüß mit offenen herzen, treulich, würdt auch sovill ich - 97r -
auß der persohn guette veranlassung spühre, alles woll
angelegt.
Darbey ist aber zue beobachten, daß der guette Reniger zur ehrlichen underhaltung, wie diß ohrt erfordert, fuhr sich selbst keine mittel, von den auff die raiß führ ihme gegebne 1.000 taller ist wenig mehr verhanden, weillen sich mit ein par diener zimblich woll auß staffieren und EKM allergnedigisten bevelch und intenzion nach über meine andere auffwartter von adel fast wie mein camerata comparieren müessen. Ihn ohne namm oder titel gar in zue nidern standt mit gringen unkosten hier zue lassen, währe EKM disreputierlich, dann nit allein die Türckhen, sonder auch der christlichen potentaten hie anweßende ministri ihme, Reniger, verachten und gar nit estimieren wurden. Derowegen zue guettem reputierlichen anfang und zue prob, bin ich der unmassgebig allerunderthenigisten meinung und halte führ rahtsamb und gutt, daß EKM führ deroselben ordinari agenten dem Reniger mit ein par 1.000 reichstaller zue jahrlichen underhalt und besoldung allergnedigist erklärten führ ihme instruction und ksl. creditif oder recomandations schreiben, wo nit an den sultan selbst, zum wenigisten an den groß vesir und die besoldung auff ein jahr lang voran, sampt 100 ducatn extraordinari führ galanterien den Türckhen zue verehren und bey denen favor zue gwünnen beforderlich allergnedigist herein schickhen liessen. Damit vor meinem abraißen ich dießen agenten hie an der Porten vorstehlen und er, Reniger, seinen posto andretten und mit avanzierung der jahr besoldung ein kleines hauß weßen anstehlen mit 6 dienern, einem janitschar und ein par pferdt (weniger khans nit sein) sich auff ein jahr lang außhalten und also bey hieigen Christen und Türkchen den gebührenden respect wie auff ein ksl. ministro gehört haben künne. Den Reniger nebens khan man vertrösten, wann er sich woll verhalte (wie ich nit zweiffle) EKM in künfftig mit mehreren decoro und besseren underhalt ihme allergnedigist begnaden werde.
- 97v - Wegen des dolmatschen Panioti, der ein guetter mensch, ohne dessen fleissig und embsig
dienst und mit dem Reniger sich gar woll verträge,
weillen er auch wegen deß gstorbnen residenten Greiffenklauw begangen exesso grob eingebüesst und vill gelitten,
geruhe EKM auch ein übriges zue thuen, führ ihme in
abschlag seiner besoldung ettwaß in gelt allergnedigist herein zu schickhen, damit
er desto fleissiger diene und dem hie bleibenden agenten besser an die handt gehe
77 14 6- 86 91 16
23 66 37° 77^ 80^ 16 23 91 21^ 16 24 20^ 16 26^ 55 28^ 89 14 32 80^ 86
20 60 24 59 66 43 14 18 21 59 und 46 76 24 11^ 24 75 9-
EKM allerunderthenigister
Johann Rudolph Schmidt